ربما اكون متعصبا لمنتخبي ضد اي منتخب اخر و ليس الجزائر فقط و ربما اكون ثائرا لما فعله شباب طائش من حرق تي شيرت المنتخب و ربما رأيت معاملة غير عادلة للاعبين المصريين في الجزائر و لكني في النهاية اعرف من هي الجزائر و ماذا قدمت لمصر و ماذا قدمت مصر لها
اعرف ان العلاقة بين البلدين اكبر من مباراة لكر القدم و حتى ان تمنيت داخلي ان يصاب كل لاعبي الجزائر قبل لقاء المصريين حتى نتأهل الا انني لا اتمنى لشعب الجزائر الا كل خير و نجاح و لا اتمنى للجزائر كوطن ثاني لنا نحن المصريين الا كل تقدم و رخاء
هذه بعض المعلومات التى قد تعرف البعض من هي الجزائر
في سنة 1973 طلب الرئيس الجزائري بومدين من الاتحاد السوفيتي شراء أسلحة لإرسالها إلى المصريين لكنهم طلبوا مبالغ ضخمة فما كان من الرئيس الجزائري إلا أن أعطاهم شيكا فارغا وقال لهم أكتبوا المبلغ الذي تريدونه، وهكذا تم شراء الطائرات والعتاد اللازم ومن ثم إرساله إلى مصر و كانوا 96 دبابة و32 آلية مجنزرة و12 مدفع ميدان و16 مدفع مضاد للطيران وما يزيد عن 50 طائرة حديثة من طراز ميج 21 وميج 17 وسوخوي7
السادات يستعرض القوات الجزائرية بعد الحرب
و مش بس كده دي شاركت على الجبهة المصرية بفيلقها المدرع الثامن للمشاة الميكانيكية بمشاركة 2115 جندي و812 صف ضباط و192 ضابط جزائري
و نحن من بعثنا مدرسي اللغة العربية لهم ليتعلموها بعد ان نجحنا ايضا في مساعدتهم على الاستقلال من فرنسا
حاول تسافر الجزائر و تتكلم مصري و شوف المعاملة الكويسة اللى مش هتلاقيها في دولة مليانة مصريين زي السعودية مثلا , حاول كمان تتريق على عبد الناصر و صدقني هتضرب ضرب لغاية ما يبانلك صاحب .. ده انت ممكن تتريق عليه في مصر لكن متقدش تقول عليه نص كلمة في الجزائر
يا جماعة يكفي ان نشيدهم الوطني نحن من لحناه فهو من تلحين الموسيقار محمد فوزي
و صدقا اقول .. ان لم نتأهل للمونديال فسأشجع الجزائر من كل قلبي
للمرة المليون بعد الدشليون
تصادم قطارين في خط الاسكندرية اسيوط و مقتل فوق العشرين شخص
طبعا الساعة دلوقتى 9,45 و كل وكالات الانباء بتقول ان العدد 25 قتيل و حاتم الجبلي ربنا يكرمه طالع في البيت بيتك في التيليفون بيضحك و بيقول ان العدد 8 بس
اتمنى يكون كلامه صح
المهم كلامنا مش تبع وزارة الصحة اللى مراكزها و مستشفياتها على شريط القطار اللى ماكانوش متوقعين مصيبة زي دي
لكن على كل اللي اتعمل
و كل الجرارات اللى اتجابت جديد
و كل الاعلانات اللى اتعملت
و كل الارشادات اللي اتكتبت
و برضه حصلت الحادثة
عشان المشكلة مشكلة تعليم يا جدعان
الناس بهايم بتنفذ مش بتفكر
القطار الاولاني خبط في جاموسة نايمة على شريط القطار
طبعا القطار وقف شوية
مش يبلغ انه واقف في السكة ؟
لا طبعا
القطار التاني راح جاي على نفس الشريط و خابطه
علموا الاطفال صح عشان مستقبلنا يبقى صح
و على فكرة مش شرط خالص ان يبقى في رابعة اعدادي عشان مستقبلنا يبقى صح
اصلهم ناويين يزودوا اعدادي سنة زيادة
قال يعني كون اعدادي 3 سنين هي سبب تأخرنا
اصلهم ناويين يزودوا اعدادي سنة زيادة
قال يعني كون اعدادي 3 سنين هي سبب تأخرنا
